Həyat hekayəsi
Şəhid Rzayev Elşən Kərəm oğlu 10 yanvar 1971-ci ildə Mingəçevir şəhərində anadan olmuşdur. 1977-ci ildə Mingəçevir şəhər 1 nömrəli məktəbə qəbul olub. Məktəbdə oxuduğu müddətdə çox fəal şagird olmaqla yanaşı, həm idmanla məşğul olub, həm də zərb alətləri kursunda məşğul olurdu. 1987-ci ildə həmin məktəbin 10-cu sinfini bitirib. Elə həmin ildə Politexnik Texnikumuna qəbul olub. 1990-cı ildə Bakıda yaşanan 20 Yanvar faciəsi zamanı Elşən Q.D.R-də (indiki Almaniya) hərbi xidmətdə idi. Faciəni eşidən zaman çox təsirlənir və üstündə Azərbaycan gerbi olan bir açıqçaya "Torpağına qurban olum, doğma Azərbaycanım" sözlərini yazmışdı.
1992-ci ildə milli orduya çağırılır. Laçın uğrunda gedən döyüşlərdə komandirinin nəşini çıxararkən snayperlə vurularaq qəhrəmancasına şəhid olur. Məzarının yeri Mingəçevir Şəhidlər Xiyabanındadır.