Həyat hekayəsi
Vahabzadə Şahin Mehdi oğlu 1969-cu il yanvar ayının 31-də Şabran rayonunun Şahnəzərli kəndində anadan olmuşdur. 1984-cü ildə Şahnəzərli kənd məktəbini bitirdikdən sonra Çölquşu kənd texniki peşə məktəbinə qəbul edilmişdir və baytarlıq ixtisasına yiyələnmişdir. Rehimli südçülük və tərəvəzçilik sovxozuna işə göndərilmişdir. 1988-1990-cı illərdə hərbi xidmətdə olmuş və sürücülük ixtisasına yiyələnmişdir. 1990-cı ildə hərbi xidməti başa vurduqdan sonra 1991-ci ilin sentyabrına kimi rayonda sürücü işləmişdir. 1991-ci ilin oktyabr ayında rayonda yaranan könüllülər dəstəsinə yazılaraq erməni təcavüzkarlarına qarşı döyüşlərə qoşulmuşdur. Daşaltıda, Xocalıda, Laçında və Şuşada gedən qanlı çarpışmalarda igid, cəsur əsgər iştirak etmişdir. Zirəhli hərbi texnika ilə erməni qan içənlərinə layiqli cavab tutmuşdur. 8 may 1992-ci ildə Şuşanın müdafiəsi zamanı ağır yaralanmış konadırin sağ çiynindən yaralanmış mühasirədən çıxarılmasi zamanı erməni snayperi tərəfindən vurulmuşdur. Azərbaycan Respublikası prezidenti H.Əliyev cənablarının imzaladığı 16 sentyabr 1994-cü il tarixli fərman ilə Azərbaycan Respublikası torpaqlarının işğalçılardan müdafiəsi zamanı igidlik və şücaətə görə Şahin Vahabzadə (ölümündən sonra) Azərbaycan Bayrağı ordeni ilə təltif edilmişdir. Rayonda ən böyük küçələrdən biri onun adını daşıyır.